er SAGAN sögufölsun?

Sem áhugamaður um sagnfræði finnst mér eins og við höfum verið göbbuð af vísindamönnum eftir lestur þessarar fréttar, ef það er þá einhver flugufótur fyrir henni.

Hvenær hófst SAGAN?

Samkvæmt fréttinni fæddist afi minn 25 árum eftir að sögur hófust og langafi minn, fæddur 1834, hefur líklegast ekki verið til heldur söguburður.

Handritin okkar eru því öll skrifuð eftir 1850 og ekki merkilegur pappír því SAGAN er ekki nema um 160 ára.

Að stofnun SÞ haldi því fram að heitustu ár SÖGUNNAR hafi verið síðastliðin 15 ár er annað hvort sönnun þess að einhver er að segja ósatt eða vísyndamenn þar á bæ eru ekki starfi sínu vaxnir.

Ég tel að Ari Trausti Guðmundsson, sá ágæti jarðfræðingur og veðurskýringa maður, sé þessu ósammála. Á bls 183 í bókinni Íslenskar Eldstöðvar skrifar hann um gos í Kötlukerfinu á SÖGULEGUM tíma, og er þar sagt frá fyrsta gosinu á 9. öld.

Almennt er talið að SÖGULEGUR tími sé sá tími sem ritaðar heimildir ná yfir og er miðað við landnám hér á Íslandi.

En SAGAN spannar enn lengra tímabil.

Við borun í Grænlandsjökul, þar sem borað var niður um 3085 metra þar sem náðist í 270 þúsund ára gamlan snjó, kom í ljós að sveiflur í veðurfari síðustu 10.000 ára eru þær minnstu í 270.000 ára VEÐURFARSSÖGUNNI.

EINHVER SEGIR EKKI SATT.

Við landnám er talið að meðalhiti á norðurhveli 4-6° hærri en hann er í dag og hér óx trjágróður í líkingu við þann gróður sem nú vex í suð-austur hluta Bandaríkjanna. Í Noregi óx villtur vínviður.

Náttúruverndarsinnar hafa haldið því mjög á lofti að breytingar í veðurfari væru af mannavöldum og einnig eyðing gróðurs.

Trausti Jónsson veðurfræðingur hefur lýst því hvernig smá saman kólnaði hér á landi eftir árið 1100 og tímabilið frá 1450-1900, kallar hann litlu ísöld, en þá kólnaði mjög hratt og því ekki óeðlilegt að gróðurfari hafi hnigni. (2000. 'Little Ice Age' Research: A Perspective from Iceland. Climatic Change 48, 9-52.).

Hlýnun og kólnun hefur því ekkert með aðgerðir manna að gera heldur líklegast af öðrum ástæðum svo sem styrk sólgosa.

Með aukinni kolefna losun gætum við hinsvegar hægt á næstu ísöld.

Kolefni finnst í öllu lifandi og dauðu á jörðinni, (hreint kolefni reyndar draumur hverrar konu og áður einnig kyndara), og ekki síður undirstaða lífs í heiminum en súrefni. Framleiðendur súrefnis er plöntur og tré sem nærast á koltvísýringi með ljóstillífun og segir sig sjálft að að því meira magn af CO2 því meir verður framleiðsla súrefnis. 

 

Heitustu ár sögunnar

ofdekruð í fýlukasti

Jóhanna hefur lýst vantrausti sínu á tvo starfandi ráðherra í ríkisstjórn hennar.

Það getur verið álitamál hvort ráðherra ákvarðanir samrýmist stjórnarsáttmálanum, en Jóhann hefur einnig breytt sinni stefnu og sett kúrsinn ákveðið á ESB aðild og aðildarviðræður þrátt fyrir að sáttmálinn hafi aðeins varðað könnunar viðræður.

Jóhanna líkist fordekraðri smástelpu í sandkassaleik, sem fer í fýlu ef aðrir snúast ekki um hana eins og hún vill.

Það hefst ekkert með frekju og yfirgangi.

Það skyldi þó ekki vera staðreyndin að Samfylkingin öll er í fýlu vegna þess að þjóðin stendur ekki við  bak hennar, í þessu einkadekurmáli samfylkingarinnar.

Ræða málefni Jóns og Huangs

Jóhanna vs Merkel

Í upphafi var gert grín að Angelu Merkel hún sögð lummó, framkoma hennar og klæðaburður þóttu ekki í stíl við það sem gerðist í efstu lögum stjórnkerfisins.

Merkel er með bakgrunn í kommúnísku ríki þar sem miðstjórnunar spilling var í hávegum höfð.

En til þess eru vítin að varast þau. Með þessa reynslu í farteskinu gekk hún til samstarfs við CDU, þegar járntjöld kommúnista féllu. Það var gæfu spor fyrir hið nýja Þýskaland sem tók á sig byrðar sameinaðra þjóðar. Merkel er af gamlaskólanum þar sem hin hagsýna húsmóðir var miðja fjölskyldunnar og stýrði henni af þeim efnum sem til voru.

Nú sér hún að þrátt fyrir hagsýnina, eða vegna hennar, verði aðrar fjölskyldur í samfélaginu einnig að herða ólina og sýna fyrirhyggju.

Ekki held ég að Jóhanna sæki fyrirmyndir til Angelu Merkel eða Margrétar Thatcher sem kölluð hefur verið járnfrúin. En það væri svo sannarlega ekki leiðum að líkjast.

Jóhönnu mun hinsvegar allatíð vera minnst beiskrar konu og þess tíma sem aldrei kom (sem betur fer).

Hún líkist ekki heldur nöfnu sinni frá Orléans og heilagleikinn hennar aðeins háðyrði

„Vasarnir ekki ótæmandi“

Jómfrúarferðin 1912

Á meðan Bretar og helstu fjármálablöð heimsins spá hruni í ríkjum ESB, heldur ríkisstjórn Ísland ótrauð áfram að koma Íslandi inn í þann Hrunadans.

Ríkisstjórnar meirihlutinn er það tæpur að maður hefði haldið að Jóhanna og samfylkingin myndu reyna að hægja á gífuryrðum um samstarfsmenn sína.

Staðan í ríkisstjórnarsamstarfinu er ámóta og var um áramótin 2008-9. Samfylkingin notar alltaf sömu taktana, byrjar að rægja niður samstarfsmenn sem upphaf að stjórnarslitum.

Ef fréttir Financial Times eru á rökum reistar, þá er aðildarumsóknin hrein fásinna.

Það má líkja þessu ferli á svipaðan hátt og jómfrúarferð Titanic 1912. Ríkisstjórnin fagnaði ferðinni með jómfrúnni, allt var látið líta sem glæsilegast út og ferðin var farin með lúðrablæstri og trumbuslætti.

En glamúrinn var aðeins á yfirborðinu, við stjórnvölinn var óhæfur kafteinn sem ekki lét sér segjast þó válynd veður væru í kortunum og tók ekki mark á samstarfsmönnum sem skynjuðu hættuna. En í lestinni við lélegan aðbúnað voru svo farþegar sem í engu réðu um örlög sín. Fólki hafði verið talin trú um að farið væri hið traustasta og almenningi til hagsbóta.

En á Íslandi voru hinsvegar áhafnarmeðlimir sem ekki vildu taka þátt í þessari glæfrasiglingu og farþegar sem stukku frá borði í stað þess að bíða örlaga sinna á varasömu Norður-Atlantshafinu.

Þrátt fyrir að útlitið sé slæmt og veðurspár næstu daga séu slæmar, þá heldur kafteinninn ótrauður áfram á fullri ferð. Ekki hvarflar að henni eitt andartak að senda boð til vélstjórans um að hægja á vélinni eða jafnvel stöðva hana á meðan aðstæður verði kannaðar.

Fyrsti stýrimaður, situr á sama tíma íbygginn í brúnni. Hann veit að hvernig sem fer þá getur hann alltaf logið sig útúr ábyrgðinni og stuðningur bakhjarla hans breytist ekkert. Hann skal njóta ferðarinnar á meðan á henni stendur, það er ekki víst að annað tækifæri gefist.

Þessi nútíma Titanic ferð stefnir í sama hamfarslysið og ferðin sem farin var fyrir 100 árum.

Það getur ekkert bjargað fleyinu nema uppreisn um borð og stjórarnir annaðhvort kjöldregnir eð hengdir uppí hæsta reiða.

Varað við mögulegu hruni evrusvæðisins

Friðsamlegt á stjórnarheimilinu

Það má segja jólaandi svífi yfir ráðherra ríkisstjórnarinnar

Hefnd og pólitísk gíslataka

Facbook-nútíma samskipti

Langt fram á 20. öldina voru nánast öll samskipti bréfleg eða í gegnum síma ef ekki þurfti að hafa samband við fleiri en einn. Síðan tóku við telefax samskipti og síðar Email.

Nútíminn er öðruvísi. Formaður samfylkingarinnar og forsætisráðherra Íslands svarar forseta ASÍ með status á Facebook.

Það má reyndar segja að það sé viss framför, því alla síðustu öld hafa forsetar og stjórnir ASÍ verið leppar þeirra flokka sem skipa ríkisstjórnina í dag, eða forvera þeirra.

En með því að svara á Facebooksíðu sinni tryggir hún jafnframt að meiri hluti lesenda er í hallelújakór ríkisstjórnarinnar

Jóhanna svarar gagnrýni ASÍ

Aðstoð við nágranna

Færeyingar eiga það skilið af okkur að við komum þeim til hjálpar þegar þörf krefur. Þeir hafa verið okkar bestu bandamenn sem við höfum alltaf getað treyst á, en erum oft það stórir að við lítum framhjá þeim.

Hitt er annað mál, hvort þeir vilja eða þurfa aðstoð.

Fyrir tveimur árum (minnir mig) gerði einnig ofsa áhlaup á Færeyjar. Það reyndist ekki vera fréttamatur blaðanna þá en útvarpið sagði frá því í örfáum setningum.

Einhver einstaklingur fór þá af stað með söfnun fyrir þá, en samkvæmt viðtali við heimamann sagði hann að ekki væri þörf fyrir söfnun því þeir væru það vel tryggð fyrir veður tjóni. 

Íslendingar hjálpi Færeyingum

Samfylking í kosningagír

Samfylkingarþingmenn í norðausturkjördæmi eru farnir að örvænta, þetta er jafnframt kjördæmi Steingríms sem getur gert hvað sem er án þess að kjósendur hans sjái eitthvað athugavert við það.

Hér á árum áður voru þessi kjördæmi norðaustur og austurlandskjördæmi sterk framsóknarvígi. Það gæti farið svo að samfylkingin tapi fjölda atkvæða og þá jafnvel til framsóknarflokksins í kjördæminu.

Nú er ekki seinna vænna fyrir Kristján og Sigmund Erni  að setja upp vandlætinga svipinn og reyna telja kjósendum fylkingarinnar trú um að allt verði gert (einhvertíma).

Það má alltaf ljúga að kjósendum og jafnvel bjóða þeim uppá eitthvað á Bakka við Húsavík og reyna þannig að vinna upp glataða tiltrú.

Samfylkingin er hvort eð er búinn að svíkja allt sem hún lofaði kjósendum sínum í þessu kjördæmi.

Brjáluð ákvörðun

Standa Samfylkingarmenn við stóru orðin?

Þá er bara spurningin hvort stóru orð Kristjáns Möllers og annarra þingmanna Samfylkingarinnar standi.

Beiðni Huangs synjað

þá hefst ballið á ný

Kreppunni er hér með formlega lokið.

Innkaupaferðir til Glasgow er ekki lengur inni. Nú er það Boston og kaupæðið að fara í sama farveg og áður.

Það verður ekki af okkur Íslendingum skafið að við sóum gjaldeyri með reisn.

Bankahrunið er bara leiðinleg minning sem var Sjálfstæðisflokknum, Geir og Davíð að kenna en ekki hinum almenna borgara sem hefur skuldsett sig uppyfir rjáfur fengið niðurfellingu skulda og er tilbúinn að fara sömu slóð og fyrr.

 

Nýtt met í Boston-ferðum