er SAGAN sögufölsun?

Sem áhugamaður um sagnfræði finnst mér eins og við höfum verið göbbuð af vísindamönnum eftir lestur þessarar fréttar, ef það er þá einhver flugufótur fyrir henni.

Hvenær hófst SAGAN?

Samkvæmt fréttinni fæddist afi minn 25 árum eftir að sögur hófust og langafi minn, fæddur 1834, hefur líklegast ekki verið til heldur söguburður.

Handritin okkar eru því öll skrifuð eftir 1850 og ekki merkilegur pappír því SAGAN er ekki nema um 160 ára.

Að stofnun SÞ haldi því fram að heitustu ár SÖGUNNAR hafi verið síðastliðin 15 ár er annað hvort sönnun þess að einhver er að segja ósatt eða vísyndamenn þar á bæ eru ekki starfi sínu vaxnir.

Ég tel að Ari Trausti Guðmundsson, sá ágæti jarðfræðingur og veðurskýringa maður, sé þessu ósammála. Á bls 183 í bókinni Íslenskar Eldstöðvar skrifar hann um gos í Kötlukerfinu á SÖGULEGUM tíma, og er þar sagt frá fyrsta gosinu á 9. öld.

Almennt er talið að SÖGULEGUR tími sé sá tími sem ritaðar heimildir ná yfir og er miðað við landnám hér á Íslandi.

En SAGAN spannar enn lengra tímabil.

Við borun í Grænlandsjökul, þar sem borað var niður um 3085 metra þar sem náðist í 270 þúsund ára gamlan snjó, kom í ljós að sveiflur í veðurfari síðustu 10.000 ára eru þær minnstu í 270.000 ára VEÐURFARSSÖGUNNI.

EINHVER SEGIR EKKI SATT.

Við landnám er talið að meðalhiti á norðurhveli 4-6° hærri en hann er í dag og hér óx trjágróður í líkingu við þann gróður sem nú vex í suð-austur hluta Bandaríkjanna. Í Noregi óx villtur vínviður.

Náttúruverndarsinnar hafa haldið því mjög á lofti að breytingar í veðurfari væru af mannavöldum og einnig eyðing gróðurs.

Trausti Jónsson veðurfræðingur hefur lýst því hvernig smá saman kólnaði hér á landi eftir árið 1100 og tímabilið frá 1450-1900, kallar hann litlu ísöld, en þá kólnaði mjög hratt og því ekki óeðlilegt að gróðurfari hafi hnigni. (2000. 'Little Ice Age' Research: A Perspective from Iceland. Climatic Change 48, 9-52.).

Hlýnun og kólnun hefur því ekkert með aðgerðir manna að gera heldur líklegast af öðrum ástæðum svo sem styrk sólgosa.

Með aukinni kolefna losun gætum við hinsvegar hægt á næstu ísöld.

Kolefni finnst í öllu lifandi og dauðu á jörðinni, (hreint kolefni reyndar draumur hverrar konu og áður einnig kyndara), og ekki síður undirstaða lífs í heiminum en súrefni. Framleiðendur súrefnis er plöntur og tré sem nærast á koltvísýringi með ljóstillífun og segir sig sjálft að að því meira magn af CO2 því meir verður framleiðsla súrefnis. 

 


mbl.is Heitustu ár sögunnar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Höskuldur Búi Jónsson

Hér er verið að ræða sögu beinna mælinga á hitastigi jarðar - en það vissir þú eflaust og ert því bara með skemmtilegan en tilgangslausan útúrsnúning.

Hnattrænn hiti er að öllum líkindum heitari nú en við landnám, sjá t.d. nokkur hitagröf sem byggja á óbeinum mælingum - hitastig.

En, eitt er að hluta til rétt hjá þér - Kolefni er gott - í eðlilegri hringrás (sjá myndina sem þú vísar í). 

Við það að milljarðar tonna kolefnis eru teknir út úr einu hólfi hringrásarinnar (jarðefnaeldsneyti) og sett í annað hólf (lofthjúpinn) breytist loftslag jarðar. Sjá t.d.  Sagan - áhrif CO2 uppgötvað.

Höskuldur Búi Jónsson, 29.11.2011 kl. 12:58

2 Smámynd: Guðmundur Paul

Þakka þér fyrir Höskuldur, ég vissi hvað var verið að meina, en það kemur mér alltaf spánskt fyrir sjónir þegar tilkynningar verða að alhæfingu .

Guðmundur Paul, 30.11.2011 kl. 12:40

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband