Eða hvað?

Það væri alveg skelfilegt ef lífeyrissjóðir færu að koma eigendum sínum til hjálpar. Stjórnendur þeirra hafa hingað til haft rétta stefnu í málefnum lífeyrissjóðanna, að fjárfesta í glóru lausum vitleysum vina sinna í stórfyrirtækjum og bönkum.

Sú rétta ákvörðun hefur ábyggilega ekki kostað okkur neitt. Heldur sjálfsagt aukið lífeyrisrétt okkar sem erum í skyldu áskrift að sjóðunum sem síðan eru vopn misvitra stjórnenda í valdatafli.

Þyrftu að skerða réttindi

Til hamingju Reykvíkingar, þetta var mátulegt á ykkur

Banna notkun bifreiða. Mengun og svifryk hafa slæm áhrif á þá sem eru með öndunarfæra sjúkdóma.

Banna sundlaugar, því fjöldi manns hefur drukknað um allan heim

Banna notkun á illa lyktandi snyrtivörum.

Rífa Alþingishúsið, Stjórnarráðshúsið, og Seðlabankabygginguna, þar sem þær skapa hættuleg mótmæli.

Æ hvers vegna er ég að bulla svona, best að hætta því, en það besta væri að sá besti bestasti hætti því líka.

En sá galli er á lögum um borgarfulltrúa að þeir hafa fasta ráðningu til fjögurra ára. Þannig að grínið heldur áfram. 1/2 ár liðið, 3 1/2 eftir.

Opnunartími vínveitingahúsa styttur

mannslíf hér og þar

Sjálfsagt hefur okkur Íslendingum þótt við vera fremri en þjóðir Latín Ameríku. En það hafa þær þó fram yfir okkur að meta mannslífið. Þarna hefur ekki verið horft í peninginn þó þetta væru "aðeins" 33 ómenntaðir námaverkamenn.

Mannslífum þarf að bjarga sama hver kostnaðurinn er.

Fjöldi karla og kvenna sjá ekki aðra færa leið út úr vanda sínum, en að taka líf sitt.

Ekki veit ég hversu margir hafa svipt sig lífi á þessu ári vegna vanda sem þeir hafa lent í, en gæti auðveldlega verið þessi tala. Ríkisstjórnin hins vegar hefur ekkert annað að gera við sinn tíma en sinna sínum gæluverkefnum.

Sennilega reynir Össur að halda sér vakandi meðan táknrænt grjótkast verður sett á svið í Palestínu. Kannski er Össur best geymdur fjarri ákvarðanatökum ríkisins og kannski hinir ráðherrarnir væru einnig best geymdir á Gaza.

 

Öllum bjargað upp

Dagur gnarristanna

Enn eitt leikshowið í gangi. Ánægjulegt að sjá hvað gnarristar geta verið málefnalegir. Ég kvíði ekki framtíð Reykjavíkur með þennan frábæra meirihluta sinn. Það eru ekki mörg bæjarfélög sem hafa svona hugmyndaríkan bæjarstjórnar meirihluta.

Ég er með smá sparnaðartillögu fyrir Jón Gnarr, að í stað þess að moka snjó á veturna ætti borgin að gera það á sumrin. Öllum er það ljóst að mun auðveldara verður að moka snjó á sumrin þegar mun minna fellur af snjónum.

Skyldu þeir kjósendur, sem héldu að þeir væru að kjósa nýtt afl í stjórnmálum ekki vera yfir sig hrifnir af vitleysisganginum í borginni. Ætli doktor Dagur sé ekki að verða búinn með kvótann sinn í stuðningi við vitleysinga.

UngBest fordæma bókun Besta flokksins

skríkjur og tittlingar

Ætli femínistar viti af þessu, ætli þetta flokkist ekki undir kláminnflutning

Sjaldgæfar skríkjur heimsækja Ísland

Vér treystum okkar bræðrabönd

 Það eru ekki mörg bæjarfélög af sömu stærðargráðu og Blönduós sem geta státað af ráðherra og undir venjulegum kringumstæðum myndum við njóta þess. En því er ekki að heilsa.

 Ég vil þakka þeim Ásbirni og Gunnari Braga fyrir að hafa þó séð sóma sinn í að veita okkur stuðning. Af tæplega 900 manna byggðarlagi er það stórt hlutfall þegar 300 manns mæta í kröfugöngu til að mótmæla niðurskurði í atvinnumálum.

 Á sl 10 árum hefur íbúum fækkað þrátt fyrir sameiningu við Engihlíðarhrepp. Fólksfækkun er orðin það mikil að fyrirtæki hafa lagt hér upp laupana vegna þess hve markaðurinn er orðinn of lítill. Fyrirtæki í eigu heimamanna eru hverfandi og má þar nefna þær takmarkanir sem hafa verið á fjármagni frá bönkum til fyrirtækja og heimila á landsbyggðinni.

 Því er okkur sem hér búum nauðsynlegt að hafa þær opinberu stofnanir sem hér eru og helst að þeim verði fjölgað. Þær tvær opinberu stofnanir sem hér eru bjóða fyrst og fremst uppá kvennastörf.

Ég vil enda þetta með ljóði eftir gamlan nágranna minn Frímann Einarsson:

Frá alda nauð vor andi sté,

vor augu fengu sýn.

Vér byggðum traust og voldug vé

sem varðstöð mín og þín.

Vér treystum okkar bræðrabönd

og brýndum andans hjör,

vér tengdum saman hug og hönd

og hófum sigurför.

Nú ægir þeim, sem unna oss lítt,

en eiga gullsins mátt.

Vort andrúm hátt - til veggja vítt

og vorsins heiðið blátt.

Er til í að milda áhrifin

Bull og vitleysa

Það er með ólíkindum hvað hægt er að ljúga endalaust að fólki.

Stór hluti atvinnulausra hefur flúið land, allt að 20 þúsund, stór hluti fólks fær aðeins hluta bætur þrátt fyrir að hafa verið á vinnu markaði í allt að hálfa öld, ef það hefur unnið stopult sl 3 ár eða ef það hefur verið í námi eða starfi erlendis eða ef það hefur unnið sjálfstætt.

Einkennileg árátta þessarar ríkisstjórnar að ljúga að fólki.

Atvinnuleysi minnkar

Brauð og leikar fyrir nytsama sakleysingja

Það getur engum dulist að þetta er sjónarspil, sett fram af getulausri ríkisstjórn.

Það er ekki þingmeirihluti fyrir þessum tillögum og þar með mundu þær falla um sjálft sig.

Er ekki líklegra að þarna sé sett upp eitt leikverkið enn til að þyrla upp moldviðri og dylja raunverulega áætlun.

Er virkilega einhver sem trúir því að 80% af niðurskurði til heilbrigðisþjónustunnar verði skornar af landsbyggðinni.

Ég gæti frekar trúað því að niðurstaðan verði sú að áætlaður niðurskurður verði lækkaður niður í 25-30% og allir verði ánægðir, allir telji sig hafa unnið.

Ríkisstjórnin hefur áður kastað fram bombum til að rugla fólk og komið í kjölfarið með eitthvað dekurverkefni sem hefur runnið í gegn þar sem almenningur og þingmenn eru enn að vaða blindu í moðreyk sjónhverfingamanna ríkisstjórnarinnar.

Gætum að okkur,

auk þess legg ég til að ríkisstjórnin segi af sér.

Einhugur á Blönduósi

Gjaldeyrisskiptasamningur

Við ættum að snúa á AGS og bjóða BN og Kína gjaldeyrisskipta samning og ráðgjöf um hvernig hægt er að klúðra málum á 500 dögum.

Við höfum þekkinguna og hugvitið, og eigum þar að auki forsetann okkar sem er einkavinur aðals í Kína.

Þetta gæti orðið ný útrás.

Frekari rannsóknar þörf

Erfiðir tímar

Það er erfitt að vera í ríkisstjórn þessa dagana.

Ráðherrar eru sendir í slökun á fundi erlendis og innanlands, sjáfum sér og öðrum til hvíldar.

Hvernig væri að gefa þessum mönnum bara fullt frí, ekki er lengur hægt að senda þá á heilsustofnanir því þar er búið að skera það mikið niður að ekki er lengur tekið á móti afdönkuðum stjórnmálamönnum.

Dottaði á borgarafundi