var Davíð að stríða Þorvaldi?

Það er ekkert óljóst við ummæli Þorvaldar Gylfasonar.

Efnahags og viðskiptaráðherra getur ekki talið það léttvægt eða óljóst þegar "virtur" hagfræðingur,  prófessor og þar að auki formaður stjórnaskrárnefndar ríkisstjórnarinnar, haldi því fram opinberlega að Seðlabanki Íslands stundi peningaþvott.

Þetta mál þarf að rannsaka hið fyrsta, þó ekki með viðamikilli rannsóknarnefnd heldur beint sem sakamál.

Að fyrrum seðlabankastjóri, reyndar ónafngreindur, sé hafður fyrir þessu, segir meira um alvarleika málsins. Nema þá að Davíð Oddsson hafi verið að stríða Þorvaldi.

Þessi saga minnir á önnur mál sem kennd eru við frú Gróu á Leiti, sem vildi hafa ónafngreinda mektarmenn, fyrir sögum sínum en nafngreindi þá þó ekki.

 

Seðlabankinn rannsaki óhreint fé

Athugasemdir

[Guðmundur Ásgeirsson, 10.11.2011 kl. 15:46]

Davíð?

Hún Gróa sagði nú reyndar að sá ónafngreindi væri af erlendu bergi brotinn.

Sel það ekki dýrara en hún gaf mér það...

[Guðmundur Paul, 10.11.2011 kl. 18:04]

„Fyrrverandi seðlabankastjóri sagði við mig í gær, að ein ástæðan til þess, að bankarnir starfa undir leyndarhjúp frekar en fyrir opnum tjöldum, sé sú, að mikið sé af óhreinu fé í umferð. Hann var að tala um Ísland. Mig langaði að segja við manninn: Hvers vegna ertu að hvísla þessu að mér? Hvers vegna skrifarðu ekki um þetta í blöðin?“ er haft eftir Þorvaldi á facebook síðu hans, en ekkert getið um þjóðerni.

[Anna Sigríður Guðmundsdóttir, 11.11.2011 kl. 13:13]

Ég ætti kannski að hringja í þann norska og spyrja hann nánar um þessi leyndar-mál Seðló? Ætli sumir færu ekki að ókyrrast í stólunum sínum, ef slíkar fréttir litu dagsins ljós á Íslandi?

M.b.kv.