rangar fjárfestingar á kostnað lífeyrisþega

Það ætti ekki að koma neinum á óvart að lífeyrissjóðir, sem hafa bruðlað með fé almennings, tekið þátt í áhættu fjárfestingum, varpi ábyrgð sinni á almenning.

Það er ekki langt um lið að lögfræðingur þessa sama sjóðs gleymdi að gera kröfu fyrir hönd sjóðsins.

Skyldu áskrift launamanna að lífeyriskerfinu hefur oft verið þyrnir í augum þeirra sem horfa til framtíðarinnar.

Jafnræðis gætir ekki milli félaga almennra lífeyrissjóða og ríkislífeyrissjóða.

Mótframlag launagreiðenda hefur hækkað jafn og þétt undanfarin ár, en duga ekki til að mæta kostnaðaraukningu sjóðanna.

Stapi er samrunafélag annarra sjóða og á ég bágt með að trúa því að ekki hafi orðið skerðing hjá þeim sjóðum sem sameinuðust, þó svo Stapi sem er vart 5 ára gamall stæri sig af að hafa ekki skert lífeyrisréttindi.

Lífeyrissjóðum er stjórnað af stéttarfélögum sem nýlega hafa samið um kjarabætur til handa vinnandi fólki, gera þær kröfur að kaupmáttur haldist á sama tíma og þeir skerða réttindi sjóðfélaga um ríflega sömu prósentutölu.

Stjórnendur fara með völd í krafti eigna almennings og þegar mistök verða í fjárfestingum er ábyrgðinni skellt á hinn almenna félaga. En forsvarsmenn glerhússins standa eftir með óskert völd og laun, algjörlega ósnertanleg.

Þess má einnig geta að hinn almenni launþegi hefur ekki kosningar/tillögurétt til stjórnar heldur eru fulltrúar sendir á aðalfundi frá viðkomandi stéttarfélögum.

Í upphafi var hugsunin á bak við lífeyrissjóðina góð líkt og með samvinnufélögin en bæði eru börn síns tíma og hafa orðið fyrir barðinu á glæpamönnum sem hafa sett eigin hag ofar hag sjóðfélaga.

 

Skerða rétt um 6%

Athugasemdir

[Sandy, 29.10.2011 kl. 10:46]

Mikið get ég verið þér sammála Luktar-Gvendur, ég var einmitt að heyra af verkamanni sem á að fara að fá ellilífeyri og var hann að láta reikna út fyrir sig hversu mikið hann fengi ef hann birjaði að taka lífeyrissjóðinn strax, en það er þremur árum fyrir árin 67.Útkoman úr þessu reiknisdæmi var að hann fengi kr 20.640 á mán eftir skatt. Ef þessi maður hefði fengið að hafa Lífeyrissjóðinn sinn inn á venjulegri bankabók allan starfsferil sinn ætti hann mun meira.

Það ætti að lögsækja alla þá sem stjórnað hafa sjóðunum og farið með peninga launamanna í tóma vitleysu og þykjast svo ekki geta borgað fólki.  En kannski er hljóðið í þeim svona vegna hræðslu við að verðtryggingin verði tekin af.