það munar um mig

yngsta barnið mitt verður 18 ára í nóvember, þannig að ég fæ ekki oftar barnabætur.

Þetta vissi ég reyndar en hitt vissi ég ekki að ríkið myndi spara um 900 milljónir á því.

Hinsvegar hafa þessar bætur verið dálítið stopular. Fyrstu árin vann ég mikið og hafði góðar tekjur sem svo urðu til þess að við hjónin misstum barnabæturnar.

Þegar tekjurnar lækkuðu fórum við að sjá bætur aftur, en þá dundi ógæfan á okkur, ég veiktist alvarlega hafði í langan tíma engar tekjur og fékk á mig gjaldþrota úrskurð.

Vegna slælegra vinnubragða skiptastjóra dróst á langinn að gera upp búið og var ég þá að boði sýslumanns sviptur bótum í 4 ár vegna þess að ég væri ekki fjár míns ráðandi og bætur sendar skiptaráðanda.

Miðað við framansagt þá held ég að þetta sé misreiknað hjá Skattgrími.

Barnabætur lækkaðar