kemur ekki á óvart

enn ein aðgerð ríkisstjórnarinnar gegn þeim er minna mega sín í þjóðfélaginu,


mbl.is Fá ekki desemberuppbót
Tilkynna um óviðeigandi tengingu við frétt

"frá fátækt til bjargálna"

Aftur verðum við íslendingar að vinna undir kjörorðinu frá "fátækt til bjargálna".

Það veldur oft misskilningi að við hefðum orðið fátæk við fall bankanna, en hið sanna er að aðgerðir eða aðgerðaleysi núverandi stjórnvalda ollu fátækt og jafnvel örbirgð sumra og þá ekki síst þeirra sem minna máttu sín eða stóðu höllum fæti.

Velferðarstjórnin hin "tæra og gagnsæja" er ekkert annað en gegnsæ, líkt og föt keisarans forðum en múgurinn sem kveikti elda og barði trumbur fellur að stafi af aðdáun yfir tískudrósinni.


mbl.is Fjármál heimilanna forgangsmál
Tilkynna um óviðeigandi tengingu við frétt

hvað er eðlilegt verð?

Í gær var ég að hlusta á þýska fréttastöð sem fjallaði um hækkun eldsneytisverðs.

Þar kom fram að olía væri komin upp í 1.53 evrur á meðan bensín væri á 1.50 evrur lítrinn.

Fréttaþulurinn bætti við að eðlilegur munur á verðlagi þessara eldsneytistegunda væri 23 cent, olíunni í vil.

Hérlendis hefur hinsvegar verið nánast sama verð á bensíni og díselolíu.

Hvað skýrir þennan mun hér og í Þýskalandi


mbl.is Dísilolían orðin 15 kr. hærri en bensín
Tilkynna um óviðeigandi tengingu við frétt

íslenskar björgunarsveitir

Enn eitt sinn, sýna íslenskir björgunarsveitarmenn í verki fórnfýsi og dugnað.

Um 400 sjálfboðaliðar víðsvegar af landinu, eru þegar þetta er skrifað, að leita að týndum ferðamanni, við aðstæður sem venjulegum sófa manni hugnast ekki.

Björgunarsveitarmönnum verður seint fullþakkað allt það fórnfúsa starf sem þeir inna af höndum við misjafnar aðstæður.


mbl.is Ferðamaðurinn enn ófundinn
Tilkynna um óviðeigandi tengingu við frétt

fortíðarþrá

Það myndi gleðja marga gamla royalista ef við tækjum aftur upp samband við Danaríki.

Krónan okkar er í reynd afsprengi danska gjaldmiðilsins og bar framan af kórónu því til staðfestingar.

Mér hefur allatíð verið hlýtt til Dana og vildi af tveimur illum kostum frekar vera í samstarfi við Dani en Evrópubáknið.

 


mbl.is Hugsanlegt að taka upp danska krónu
Tilkynna um óviðeigandi tengingu við frétt

Hinn mikli spámaður er fæddur, en það er ekki Messías

Össur er greinilega með aðra forspár eiginleika en flestir fjármálasérfræðingar heimsins, sem telja Evruna vera að syngja sitt síðasta.

Össur siglir greinilega að sömu höfn og forverar hans í utanríkismálum, þ.e.a.s í örugga höfn alþjóðastofnanna eins og Ingibjörg Sólrún og Jón Sigurðsson.

Með þessa spádómsgáfu í fjármálum heimsins gæti hann orðið bankastjóri Alþjóðabankans eða forstjóri Alþjóða gjaldeyrissjóðsins.

Það er hinsvegar alveg ljóst að hann er ekki á leið í formannsstól íslensku kratahreyfingarinnar.


mbl.is Spurði hvaða ESB Ísland ætti að ganga í
Tilkynna um óviðeigandi tengingu við frétt

var Davíð að stríða Þorvaldi?

Það er ekkert óljóst við ummæli Þorvaldar Gylfasonar.

Efnahags og viðskiptaráðherra getur ekki talið það léttvægt eða óljóst þegar "virtur" hagfræðingur,  prófessor og þar að auki formaður stjórnaskrárnefndar ríkisstjórnarinnar, haldi því fram opinberlega að Seðlabanki Íslands stundi peningaþvott.

Þetta mál þarf að rannsaka hið fyrsta, þó ekki með viðamikilli rannsóknarnefnd heldur beint sem sakamál.

Að fyrrum seðlabankastjóri, reyndar ónafngreindur, sé hafður fyrir þessu, segir meira um alvarleika málsins. Nema þá að Davíð Oddsson hafi verið að stríða Þorvaldi.

Þessi saga minnir á önnur mál sem kennd eru við frú Gróu á Leiti, sem vildi hafa ónafngreinda mektarmenn, fyrir sögum sínum en nafngreindi þá þó ekki.

 


mbl.is Seðlabankinn rannsaki óhreint fé
Tilkynna um óviðeigandi tengingu við frétt

Þýskaland og Evran

Þýskaland er það ríki í heiminum sem mest leggur fram öðrum ríkjum til stuðnings, bæði fjárhagslega og siðferðilega.

Ástæðan fyrir því gæti verið innbyggð þjóðarskömm allflestra þjóðverja, vegna framferðis nasista í heimsstyrjöldinni síðari.

Ef þjóðverjar draga sig út úr gjaldmiðils samstarfinu er það dauðadómur yfir Evrunni, en það mun ekki verða. Þýskaland gerir sér fulla grein fyrir afleiðingum þess á önnur ríki samstarfsins.

Hins vegar er þýskur almenningur ekki á sama máli, þrátt fyrir það mun ekkert breytast í þeim efnum.

Þjóðverjar áttu lengi við vandamál að stríða vegna hás gengis þýska marksins sem olli því að þýskar vörur voru illseljanlegar erlendis vegna hás verðs.

Það hjálpar því að hluta til að önnur ríki Evru samstarfsins hjálpa til við að halda genginu niðri.


mbl.is Þjóðverjar þurfa ekki evruna
Tilkynna um óviðeigandi tengingu við frétt

"auk þess legg ég til að suðurnesjum verði eytt"

Enn ein birtingarmynd ástandsins í velferðarþjóðfélaginu. Suðurnesin hafa ekki farið varhluta af kreppunni sem er þar þó djúpstæðari en annarstaðar á landinu.

Á meðan situr ríkisstjórnin að launráðum um framtíð landsins innan hagstjórnunar erlendra ríkja.

Ríkisstjórnin er skipuð sporgöngumönnum "hernámsandstæðinga" sem á sínum tíma áttu þá einu ósk að herinn færi.

Þegar herinn fór, glötuðust mörg atvinnutækifæri og margir misstu vinnuna.

Störfum hefur verið lofað á svæðinu, en ríkisstjórnin hefur gert allt sitt til að tefja og jafnvel hindra að þau komi til framkvæmda.

Gæti verið að núverandi ráðamenn hugsi líkt og Kató gamli: "auk þess legg ég til að Karþagó verði eytt." 


mbl.is Mikil neyð í Reykjanesbæ
Tilkynna um óviðeigandi tengingu við frétt

Möguleiki framtíðarinnar

Þegar norðurleiðin opnast verður Ísland aðili að norðursiglingunum og þar með mikilvæg umskipunarhöfn. Ekki síst fyrir Rússa og Kínverja.
mbl.is Spá átökum á Norðurslóðum
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband